ఉప్పుగూడలో ఘనంగా శ్రీకృష్ణ జన్మాష్టమి వేడుకలు

ఉప్పుగూడ రక్షా పురం కాలనీ, శ్రీ శివాలయం ప్రాంగణములో గల, శ్రీ వెంకటేశ్వర స్వామి ఆలయంలో, సెప్టెంబర్ 7వ తేదీ 2023 గురువారం రోజు, సాయంత్రం 6.30 గంటలకు, శ్రీ కృష్ణ జన్మాష్టమిని పురస్కరించుకొని, శ్రీ కృష్ణుడికి అభిషేకం చేసి, ఊయలలో విగ్రహాన్ని ప్రతిష్ఠించి, పూల మాలలతో పుష్పాలంకరణ చేసి, శ్రీ కృష్ణుడిని రమనీయంగా తీర్చి దిద్ది, తులసి దళములతో పత్రి పూజ చేసి, ప్రత్యేక పూజా కార్యక్రమాలు నిర్వహించారు. పూజ అనంతరం తీర్థ ప్రసాదాలను వితరణ చేశారు. భక్తులు తమ పిల్లలని చిన్ని కృష్ణుడిగా, రాధగా, గోపిక లాగ ముస్తాబు చేసి వెంటబెట్టుకురాగా, చిన్ని కృష్ణ వేషదారులు తమ అల్లరితో సందడి చేశారు.